يا الْحايَكْ،/مصطفى سلوي؛

يا الْحايَكْ

مصطفى سلوي؛

يا الْــحَـــايَـــــكْ زيـــــنْ الْكَسْوَةْ شْحالْ لَـــبْسُــــوا فـيــكْ نَسْوانْ
مَنَّكْ عَــــشْـعــاشـــــي وَمْـــرَمَّــــــةْ ديما غـــالـــــــي فَالـــثَّـــــــــمــــــــــــــانْ
كانَتْ تَلْحيفْتَكْ بْـلَــعْــويـــنــــةْ لْـــكُـــــــلْ مْـرا هَـــــمَّــــــةْ وْشــــــــــانْ
وِيــــلا زادوكْ الــــــــتَّــلْـــــثـيــــمَــــةْ تَـمَّ بْـــقَ الْـــعــاشَـــــقْ وَلْـــــهــــــــانْ
يا الْـــــحَــــايَكْ زيـــــن الْكَسْوَةْ شْـحـــالْ لَــبْـسُـوا فيكْ نَسْوانْ
******************
سَوَّلْتْ عْليكْ ناسْ الكَصْبَةْ أوْلادْ الْـكَــاضــي وَاشَـــقْــــفــــانْ
اَهْلْ الـجَّـامَـلْ حَـــتّـى هُـــومــــا وَلا حَــدْ عْــرَفْ ليكْ مْــكــــانْ
مْــشــــــاتْ مْعـاكْ الْــحَــشْــمَـــةْ وَالنَّسْمَةْ وَالطْبَعْ والْــمَـرْشــــانْ
كُلْ شــي مْــــــنْ وْراكْ تْـفَـــنّـى دْروبْ وَسْـــقــــاقـــــي وَلْـبَـنْــيــــانْ
يا الْحَايَكْ زيـــــنْ الْكَـــــــسْوَةْ شْحالْ لَبْسُـــــــــوا فيكْ نَسْوانْ
***********************
بـــيــــكْ تَــتْــسَــكَّـــــدْ الْــوَكْــفَـــةْ عَنْـدْ خيرَةْ مَكْرونَةْ الْحَـجْــبــانْ
وَالْـعالْــيَـةْ مــولاتْ الْــوَشْـمَـــةْ وْيَمـيـنَةْ الزّينْ شَــهْــلَـــــةْ لَــعْـــيانْ
بــيـــكْ تَــتْـــــــوَحَّــدْ اللَّــــبْـــسَـــةْ لا فَــرْقْ بينْ كَــلّـيـلْ وْشَـــبْــعــانْ
وَانْـتَ سَـعْـدْ كُــلْ عْــروسَـــــةْ مَـنْ وَجْــدَةْ حَـتّـــى لَــتْــلَــمْـــســانْ
يا الْحَـــايَكْ زيـــــنْ الْكَسْوَةْ شْحالْ لَـبْسُـــوا فـــيـــكْ نَـسْــوانْ
تْـوَحَـشْـتَكْ وْسـالَتْ الـــــدَّمْــعَـةْ مُـحالْ واشْ يْــوَلّـي ذاكْ الزْمانْ
يَرْجَعْ الــحايَكْ والتَّجـــــْـريـــدَةْ وْتَـرْجَـعْ الْـخـاوَةْ بـيـنْ الْــجــيـرانْ
يا الْحايَكْ عْلاشْ بيكْ تَسْلا خَــلّــيـــتْ نْـــســانـــا بْـــــــلا ديـــوانْ
رَجْعوا يَخُرْجـوا بالْوْجَهْ حَسْكَةْ مَــعْــروفـــاتْ الــنَّـعْــتْ وَالْـعَـــنْـوانْ
يا الْــحَـــــايَــــكْ زيـــــنْ الْكَسْوَةْ شْحــالْ لَــبْسُــوا فـــيكْ نَـسْــــــوانْ
************************
وَجْدةْ بْــلادْ الزّينْ وَالْحَشْمَـةْ وَالْحايَكْ تاجْـهُـمْ عَـلْ لَـجْــبَـــــانْ
للَــزْواجْ غــالْــياتْ فـَـالـسّــومَــةْ شْكونْ يَتْكَـــدَّمْ مَ الْـــــعَـــــــرْســــانْ
الشَّرْتْلَةْ وَلْمَنْفوخْ وْلَـمْـضَــمَّـةْ وْخيطْ الرّوحْ وَخْواتَمْ لَـصَـبْـعــــانْ
صَــبّــاطْ طـــالــو فـيـهْ الْحَكْمَةْ وْلَـبْــلــوزَةْ الْمَشْهـــــورَةْ مَنْ زَمــــانْ
يا الْـــحَــايَـــــكْ زيـــــنْ الْكَـسْـوَةْ شْحالْ لَـــبْسُــوا فــــيــــكْ نَـسْوانْ
************************
يُومْ للَــدْفــوعْ لاخُـــرْ لَلْــحَــــنَّــــةْ الْماكْلَةْ فايْضَةْ عْلى كُلْ الْـــوانْ
وَالتَّقْصيرَةْ بَـشْـيـوخْ الْـكَـصْــبَةْ وَالـــرَّكّـــاصَــةْ وْلُــغْـرامَــــةْ وَالْميزانْ
وَالنْسا عْلَ السْطوحَ بَالسَّتْرَةْ مْلَحْفاتْ بَالْـحايَكْ في تَحْـنـــانْ
وَنْهارْ التَّـقْـيـيـلْ كْـمـالْ الـرَّبْعَةْ تَــــــبْــــــــرَزْ لَــعْــروسَـةْ بـيـنْ لَـــقْــــرانْ
تْــبَـــدَّلْ لَـــبْـسَـةْ وْرا لَـــبْـــسَـــــــــــةْ وَالـطَـــبّالاتْ يْـزَهّــيـوَكْ بَالْــغـــيوانْ
يا الْــحَــايَــــــــكْ زيـــــنْ الْكَسْوَةْ شْحالْ لَـــبْــسُـوا فـــيكْ نَــسْــــــوانْ
***************************
لَعْـلاوي ياكْ حْسابْ وَعْــصـا عْرايْـشِـيَّــــةْ وَسْـبـايْـسِـيَّـةْ بَالْميزانْ
وَالْبارودْ وَالْكُومْ فْسِيدِي يَحْيَى وَالزْغاريدْ طَالْـعَـةْ مَـنْ كُلْ ارْكـــانْ
الْكَلّالْ عْلَ الشَّـعّالَةْ يَحْمَى وَالسْـباعِـيَّـةْ تْــصَـفَّــــــــرْ بَالْأَلْـحانْ
هذي عاداتْـــنا ياكْ تَـنْـــســـى يْــعَــــلْـــمــــوهـــا لَـكْــبــــارْ لَصَّـبْــيــانْ
يا الْـــحَـــايَكْ زيـــــنْ الْكَسْوَةْ شْحالْ لَـــبْــسـُـوا فـــيــكْ نَــسْـــوانْ
************************
بْناتْ وَجْدَةْ ذْهَبْ ما يَبْلى لَــــخْــــدودْ وَرْدْ كِــــي بَـــلَـــــــعْــمــانْ
وَالـصّاكْ قـالْـبْ بْــلا صَنْعَــةْ وْلَـعْـيونْ كْـــبـارْ تْــكـــــــولْ كـيـسـانْ
لَحْواجَبْ وَالشْفَرْ ياكْ دَلّـى وَالسّالَفْ لَكْحَلْ خَلّاني تَلْـفـانْ
بْـالَـقْـرَنْــفُـلْ تَـمْـشَطْ وَالْحَـنَّـةْ شُـوفْـتـو تْــرَوّي كُـــلْ عَــطْــشـــــــــانْ
يا الْـــحَـــايَكْ زيـــــنْ الْكَسْوَةْ شْحالْ لَـــبْــسـُـوا فـــيــكْ نَــسْـــوانْ
***************************
هذا حْديثْ الحايَكْ وَالرَّتْبَةْ وَخْــصـــايَــلْ الــنْسـا دْيــالْ زْمــانْ
الـدْراعْ وَالــزّيــنْ وَالْـحَـــشْــمَـــةْ وَالْــقَــلْـــبْ عـــامَــــرْ بَــــــــالْإيــــــمــانْ
يا رَبّـي تَحْفَظْ بْناتْ وَجْـدةْ وَبْناتْ الْـمَـغْــــرِبْ فْـكُــلْ مْـكــانْ
وْتَحْفَظْ ناظَمْ ذَ الْــقْـصـيــدَةْ الْمَصْطَـفى بَلْـعَـرْبي بَـنْ حَـمْدانْ
وَالنَّقْمَةْ السْلاوي وَالسُّكْنَةْ دَرْبْ امْباصّـوا حُضْنَ الشُّجْعانْ

وجدة؛ في: 16 فبراير 2013

تابع القراءة »