قصيدة زجلية . الراشي ..والمرتشي /مولاي الحسن بنسيدي علي

قصيدة زجلية .

الراشي ..والمرتشي 

مولاي الحسن بنسيدي علي :

باش غدا تلقى الله
يوم لحساب مافيه ملامة
السانك متلعثم
وجهك مدمو م مذبال الحالة اتجيك الموت غفلة
اذكر يوم الشهادة
والحفرة المظلامة
كل مافيك عليك شهود
وانت متحسر منبوذ
مكشوف ف لوحة لقراية
.......
لا جاه ينفعك يا الغافل
ولا رشوة ..ولا حلاوة
رد بالك
لا حيلة تنفعك..\ ولا افهامة
....
الناصح من زير احزامو
وقرا فكتاب الله
والوقتو صلاه
واحسن لخلق الله
واجعل اعمالو اعبادة
......
يا الراشي والمرتشي
يا وكلين حق الغاشي
اجمر احمر لبستوه اعباية
.....
باش غدا تلقى الله
راه لحساب ما فيه ملامة
الدنيا غدارة
تتعاود ك لخرافة
قصة ومنامة
ليها بداية وانهاية
............
قال المجذوب ...:
<كل من سمن يهزل
وكل من طغى ينزل >
وحياتك لولدك احكاية
ومايدوم فيها غير وجه الله
........
كول بلقياس
وخلي ديال الناس
....
يوم ايجي الموت وتلقاه
ماينفعك صاحب ولا حبيب
ولا دموع ..ولا الندامة ..\
ــــــــــــــ

تابع القراءة »